З ліпеня 2023 года РГА «Рана» з'яўляецца партнёрам сацыяльнай праграмы, якую распачаў сэрвіс Яндекс Go ў Беларусі.
У рамках сацыяльнай праграмы бясплатнымі паездкамі могуць карыстацца члены РГА «Рана», супрацоўнікі і валанцёры нашай арганізацыі.
Праект дзейнічае ва ўсіх гарадах прысутнасці Яндекс Go ў Беларусі — іх больш за 35. Гэта ініцыятыва з'яўляецца працягам работы сацыяльнага напрамку — у сакавіку 2023 года ў дадатку Яндекс Go стаў даступны экран спецыяльных магчымасцей, дзе сабраны параметры для карыстальнікаў з інваліднасцю.
За 6 месяцаў нашага ўдзелу ў дадзенай сацыяльнай праграме 80 бацькоў, членаў РГА «Рана», супрацоўнікаў і валанцёраў нашай арганізацыі ажыццявілі 345 дабрачынных паездак праз сэрвіс Яндекс Go ў Мінску, Гродне, Магілёве, Брэсце, Віцебску, Оршы, Гомелі, Светлагорску, Мазыры, Полацку і Лепелі.
У пачатку 2024 года мы падоўжылі дамову з сэрвісам Яндекс Go ў Беларусі аб аказанні дабрачынных паездак для нашага аб'яднання, з павелічэннем штомесячнага ліміту паездак!
Мы дзякуем сэрвісу Яндекс Go, партнёру нашай Бонуснай праграмы, за давер і сістэматычную падтрымку сем'яў, у якіх растуць неданошаныя дзеці Беларусі!