12 мая нам 5 гадоў! Запрашаем на дабрачынную сустрэчу нашых сяброў! Анонс

Рус  |  Eng
События 12 мая нам 5 гадоў! Запрашаем на дабрачынную сустрэчу нашых сяброў! Анонс

rano_5_1

Нам 5 гадоў! Самі ў шоку:)

Здаецца, зусім нядаўна мы былі проста адзіны viber-чат, дзе мы кругласутачна вялі нашыя мамскія (зрэдку - бацькавы:) гутаркі, а тут мы ўжо сталая арганізацыя, са сваёй праектнай дзейнасцю,  партнёрствамі, планамі і сур’ёзнымі справаздачамі!

Наша аб’яднанне - гэта паспяховы прыклад самаарганізацыіі, салідарнасці і ўзаемападтрымкі, на чым, не баючыся за пафас, і трывае наша грамадства.

Нам ужо не трэба даказваць адзін аднаму, што разам лягчэй, мы просто гэта ведаем. 

А яшчэ разам - вельмі здорава сустракацца, асабліва па добрых падставах:) Сябры, нам 5 гадоў! 

12 мая 2017 года у Міністэрстве юстыцыі РБ было зарэгістравана наша грамадскае аб’яднанне, якое за гэтыя гады дапамагло ўжо некалькім тысячам сямей, у якіх нарадзіліся неданошаныя дзеткі. 

Гэта былі 5 год, калі мы разам сумавалі па вялікім і малым бедам і радаваліся маленькім, але такім важным поспехам нашых дзетак!

І зараз мы будзем вельмі шчаслівыя сустрэцца разам на дабрачыннай сустрэчы сяброў, у дзень нашага нараджэння ў Мінску, каб падтрымаць наша любае аб’яднанне, пабачыць адзін аднаго, пазнаёміць нашых дзетак, і проста быць РАЗАМ!

Чакаем нас усіх: сяброў аб'яднання, медыцынскіх спецыялістаў, партнёраў і проста аднадумцаў, што падзяляюць нашы каштоўнасці:

12 мая (чацвер), 17.00 на пляцоўцы LidBeer Dvor (Мінск, вул. Кульман, 1).

Уваход вольны, дабрачынныя ахвяраванні вітаюцца:)

Да сустрэчы, сябры!:)

5_program