3-5 лістапада 2023 года РГА «Рана» прыняло ўдзел у 10-й выставе-інтэрактыве «Мацярынства і дзяцінства».
Сёлета выстава прайшла на новай камфортнай пляцоўцы «Falcon Club Arena» па адрасе: Мінск, пр-т Пераможцаў, 20.
Падчас працы выставы чальцы, супрацоўнікі і валанцёры аб'яднання з сустракаліся з бацькамі і іх дзецьм, медыцынскімі спецыялістамі і ўсімі наведвальнікамі выставы, каму было цікава дазнацца больш падрабязна пра нашу дзейнасць.
У секцыі «Маміна школа» з дакладам «Міфы пра грудное гадаванне» выступіла акушэр-гінеколаг, кансультант па грудным гадаванні, маці двух неданошаных хлапчукоў Святлана Брашавец.
У кансультацыйнай зоне працавалі:
Алена Васілевіч, псіхатэрапеўт вышэйшай кваліфікацыйнай катэгорыі, гештальт-тэрапеўт, супервізар, маці неданошанага дзіцяці.
Кансультацыя па пытаннях:
- эмацыйны стан (трывога, зніжэнне настрою);
- дзіцяча-бацькоўскія адносіны;
- адносіны ў пары.
Вольга Скарбенка, псіхолаг (кагнітыўна-паводзінавы падыход), маці двух неданошаных дзяцей.
Кансультацыя па пытаннях:
- жыццё перыяду заўчасных родаў (трывожнасць, віна, немач, прыняцце, пошук рэсурсаў);
- народзіны дзіцяці з асаблівасцямі здароўя;
- дзіцяча-бацькоўскія адносіны;
- станаўленне, самавызначэнне, самаідэнтыфікацыя.
Аляксандра Бягун, дарослы і дзіцячы псіхолаг.
Кансультацыя для дзіцяці, падлетка, дарослага па пытаннях:
- даследаванне сябе (жаданняў, магчымасцяў, асабістых меж, рэсурсаў, самарэалізацыяй і інш.);
- даследаванне адносін з іншымі (дзецьмі, бацькамі, сябрамі, працай, грашамі і інш.).
На арт-пляцоўцы мамамі-валанцёрамі аб'яднання былі арганізаваны майстар-класы:
- «Разумнае маляванне» ад Ксеніі Буксавай;
- па нейралепцы ад Анастасіі Гаўрылавай;
- па вязанні камплектаў і тэрапеўтычных цацак для неданошаных дзяцей ад Анжэлы Чувыкиной і Юліі Івашка;
- «Скарына дзеткам» ад Таццяны Сапегі і Марыі Каралёвай.
Больш за 250 удзельнікаў выставы наведалі наш стэнд, каля 70 - размясцілі інфармацыю пра наша аб'яднанне у сваіх акаунтах у сацыяльных сетках!
Шчыра дзякуем валанцёрам нашай арганізацыі за арганізацыйную падтрымку і правядзенне майстар-класаў і кансультацый, а таксама арганізатарам выставы ВУП "Экспафорум" за магчымасць на ільготных умовах нашаму грамадскаму аб'яднанню прымаць удзел у выставе!
Да новых сустрэч!
