22 мая 2024 года мы святочна адзначылі дзень нараджэння нашага грамадскага аб'яднання. "Рана" споўнілася 7 гадоў!
12 мая 2017 года ГА "Рана" было афіцыйна зарэгістравана. Традыцыйна ў гэты дзень мы збіраліся разам, каб па-сапраўднаму адсвяткаваць тое, што мы разам.
Гэты год не стаў выключэннем, і, дзякуючы падтрымцы неабыякавых людзей і сацыяльна адказных арганізацый, мы ізноў сустрэліся! Ва ўмовах амаль паўсядзенных выпрабаванняў мы вельмі шануем тых, кто праз гады пранёс дапамогу нашаму аб'яднанню. Дзякуй нашым сябрам і партнёрам, якія падзяляюць з намі веру ў чалавека, які прагне дапамагаць таму, хто мае патрэбу ў гэтым.
Дзякуй тым, хто побач!
І ў першую чаргу словы падзякі нашаму шматгадоваму партнёру - event-агенцтву @eventmakers.world, якое ладзіць амаль усе нашы буйныя мерапрыемствы, прыцягваючы шмат валанцёрскіх рэсурсаў! Ад шчырага сэрца вялікі дзякуй за тое, што працягваеце быць побач! Варвара Ткачова, Дар'я Яцэвіч, даражэнькія, абдымаем і жадаем плённай працы і добрых людзей побач!
Упершыню наша свята адбылося ў цудоўнай івэнт-прасторы "BETON". Нашы словы падзякі кіраўніцтву прасторы "BETON" за тое, што наша свята было арганізавана на гэтай яскравай і ўтульнай прасторы на дабрачынных умовах з падрымкай па арганізацыі пітной вады @catering_shefpovar.by ! Такія дабрачынныя мерапрыемствы ладзяцца ў прасторы рэгулярна і гэта вельмі каштоўна, дзякуй вам за вашу сацыяльную адказнасць!
Вялікая ўдзячнасць ЗАА «Дабраном» за тое, што ўжо каторы год падтрымлівае правядзенне нашага святочнага мерапрыемства! Для сацыяльных грамадскіх арганізацый вельмі важна мець пастаянных партнёраў, дзякуем вам!
Вядоўца нашага мерапрыемства - ўжо трэці раз запар, і, верагодна, не апошні, - Павел Радкевіч! Ужо цяжка ўявіць наша свята без яго гумару і трапных каментарыяў! Дзеці і дарослыя яшчэ доўга ўспамінаюць вясёлага дзядьку)) Шчыра дзякуем і рэкамендуем!
Сапраўдным упрыгожаннем нашага мерапрыемства стала святочная фотазона ад даўняга сябра аб'яднання Дар'і Вавілавай @vavilova_decor, якая з намі з першага нашага свята! Увесь час нехта з дзяцей "тусіў" у фотазоне, а якія прыгожыя атрымаліся фотаздымкі!
І, канечне, наша святочная праграма напоўніцу задаволіла патрэбы ўсіх нашых дзетак, якія, як гэта водзіцца з іх нараджэння, паспавялі усюль))
Як заўсёды ўсе ахвотныя спяшаліся падкрэсліць прыгажосць сваіх тварыкаў аквагрымам ад @irachechet. Гэтым разам, здаецца, жадаючых паспрабаваць сябе ў новым вобразе дарослых было не менш, чым дзяцей))
Увесь час і малыя, і дарослыя цікава бавіліся на інклюзіўнай гульнёвай пляцоўцы «Движение в радость» ад дабрачыннай арганізацыі «Карытас». На пляцоўцы было камфортна і зусім маленькім, сярод мяккага LEGO, і старэйшым дзецям, і дарослым за драўлянымі гульнямі, якія адаптаваны, ў тым ліку і да патрэбаў дзяцей з асаблівасцямі здароўя. Дзякуючы нашым дзецям у нас з'ўляюцца цудоўныя партнёры!
Як заўсёды, чарга ахвотных на майстар-класы па стварэнні бранзалетаў і салодкіх лядзяшоў, якія ўжо не першы раз рыхтуюць спецыяльна для нас сябры з @activeteam_by Усе пайшлі дадому прыгожыя і з уласна створанымі падарункамі))
Амаль усё свята правялі разам з нашымі гасцямі, дзеткамі і іх бацькамі аніматары @diko.minsk! Вялікі дзякуй за супольныя гульні і танцы! Танцавальнае спаборніцтва паміж бацькамі і дзецьмі запомніцца надоўга!
Шмат эмоцый і захаплення суправаджала выступленне сапраўднага фокусніка-ілюзіяніста Улада Дзідэнка @illusionist_didenko. Дзеці потым шукалі вяровачкі, каб паўтарыць)) Нашы дзеці і самі пэўнае цуда, дзякуй, што падрымліваеце гэтую веру, - цуды абавязкова павінны быць, мы ведаем, як важна ў іх верыць і іх ствараць.
Сябры з @bangbang_pr падаравалі нам сапраўдную прыгажосць - светлавое шоў, якое зачаравала ўсіх гасцей. Прафесійныя выканаўцы @viventshow ужо не першы раз не толькі ўражваюць сваім талентам, але і раскрываюць гэтыя таленты ў нашых гасцей! Танцавальная шоў-праграма @motion__dance стала яскравым заканчэннем вечара. Дзякуй за вашу падтрымку, сябры!
Штогод нам дапамагаюць з друкам святочных сцяжкоў і флаераў тыпаграфія Ricco Graphic, а з тэхнічнай падтрымкай - МІкіта Трухан і @gsound.by - шчыры дзякуй, сябры!
А яшчэ нашых бацькоў чакаў сэрпрыз ад партнёра Бонуснай праграмы Медыцынскага цэнтру "Томография" - падарунак удзельніку мерапрыемства сертыфікату на наведванне дзіцячага неўролага! Дзякуй за падтрымку!
Таксама дзякуем нашым матулям Алене Заблодскай за дызайн афішы нашай сустрэчы і за штогадовы перамантаж відэароліка Вользе Міхалюк! Трэба было бачыць, як радаваліся дзеці, пазнаючы сябе на фотаздымках падчас дэманстрацыі відэа!
Ужо каторы год на дабрачыннай аснове на нашым свяце шыкоўны фатограф Ілля Садоўскі, вялікая удзячнасць! І гэтым разам цудоўная Ірына Тузіна, ўчыра дзякуем! Паглядіце, якія чароўныя здымкі яны назаўжды захавалі для нас пра наша свята 7-га дня народзінаў ГА "Рана"!
Дзякуй усім і кожнаму, хто быў у гэты дзень з намі, хто прагне быць часткай нашай вялікай справы! Дзякуем і вашу падтрымку і абдымаем! Разам лягчэй.
А мы працягваем быць побач. І да новых сустрэч, сябры!
