З ліпеня 2023 года ГА «Рана» з'яўляецца партнёрам сацыяльнай праграмы, які ладзіць сэрвіс Яндекс Go ў Беларусі.
У рамках сацыяльнай праграмы бясплатнымі паездкамі могуць карыстацца члены ГА «Рана», супрацоўнікі і валанцёры нашай арганізацыі.
За другі квартал 2024 года ў дадзенай сацыяльнай праграме прынялі ўдзел 120 членаў ГА «Рана», сярод якіх 36 сем'яў, у якіх выхоўваюцца дзеці з інваліднасцю, 14 няпоўных сем'яў і 14 шматдзетных сем'яў.
За азначаны перыяд было здзейснена 231 дабрачынная паездка ў Мінску, Брэсце, Віцебску, Гомелі, Гродна, Кобрыне, Мазыры, Полацку, Слоніме, Стаўбцах.
Мы дзякуем сэрвісу Яндекс Go, партнёру нашай Бонуснай праграмы, за давер і сістэматычную падтрымку сем'яў, у якіх растуць неданошаныя дзеці Беларусі!