У красавіку бацькі неданошаных дзяцей у якасці роўных кансультантаў правялі сустрэчы з бацькамі ў Віцебскім і Брэсцкім рэгіёнах, наведаўшы бацькоў, якія зараз знаходзяцца са сваімі дзецьмі на другім этапе выходжвання.
Адна з важных нашых задач - арганізацыя рэгулярных сустрэч з бацькамі неданошаных дзяцей у аддзяленнях выходжвання, у самы складаны перыяд адаптацыі да новага жыцця для тых, хто стаў бацькам. Бацькам, ад якога патрабуецца значна больш актыўнае ўключэнне ў працэс догляду і развіцця, чым бацьку дзіцяці, якое нарадзілася ў тэрмін. Гэта перыяд крызісу, асабиснага і сямейнага, у якім патрабуецца мабілізацыя ўсіх унутраных псіхалагічных і фізічных рэзерваў бацькоў.
Сустрэча з роўным кансультантам - важны кампанент працы з бацькамі неданошаных дзяцей. Чым раней яна адбудзецца, тым лепш. Мы дзелімся нашым вопытам, адказваем на пытанні маладых, часта, разгубленых бацькоў, каб іх далейшы шлях стаў крыху больш ясным і зразумелым.
У кастрычніку сустрэчы з бацькамі былі арганізаваны нашымі рэгіянальнымі каардынатарамі Аленай Казаковай (Віцебскі рэгіён) ва УАЗ "Віцебскі абласны дзіцячы клінічны цэнтр" і Вольгай Міхалюк (Брэсцкі рэгіён) ва УАЗ "Брэсцкая абласная дзіцячая бальніца".
Мы дзякуем кіраўніцтву і персаналу аддзяленняў выходжвання, якія спрыяюць арганізацыі нашых сустрэч з бацькамі! Мы ўпэўненыя, што сустрэча з роўным кансультантам у самым пачатку свайго складанага шляху на першым годзе жыцця неданошанага дзіцяці з'яўляецца важным і неабходным складнікам псіхалагічнай падтрымкі бацькоў!