З ліпеня 2023 года ГА «Рана» з'яўляецца партнёрам сацыяльнай праграмы, які ладзіць сэрвіс Яндекс Go ў Беларусі.
У рамках сацыяльнай праграмы бясплатнымі паездкамі могуць карыстацца члены ГА «Рана», супрацоўнікі і валанцёры нашай арганізацыі.
За другі квартал 2025 года ў дадзенай сацыяльнай праграме прынялі ўдзел 100 членаў ГА «Рана», сярод якіх 38 сем'яў, у якіх выхоўваюцца дзеці з інваліднасцю, 11 няпоўных сем'яў і 11 шматдзетных сем'яў.
За азначаны перыяд было здзейснена 388 дабрачынных паездак ў Мінску, Бярозе, Барысаве, Брэсце, Віцебску, Гродна, Жлобіне, Лідзе, Мазыры, Оршы, Пінску, Слоніме, Стаўбцах.
Мы дзякуем сэрвісу Яндекс Go, партнёру нашай Бонуснай праграмы, за давер і сістэматычную падтрымку сем'яў, у якіх растуць неданошаныя дзеці Беларусі!
